Diserat ku Aan Abdulloh

Dina Lapak
Fiksimini Basa Sunda

Facebook photo

Fikmin # Lain Qurban #

Reup Magrib kareungeu sora takbir di unggal masigit. Isukan Lebaran Haji. Haji Hadma saged. Bus ka kamar peteng. Husu ngajémprak sila. Rujakeun jeung susuguh lengkep ngaderak hareupeunna. Menyan dipurulukeun kana parupuyan. Peledug. Haseup mulek.

Haji Hadma gegereyeman. Babakti. Rada ngareugeu basa rék nyokot bonéka nu ngajajar hareupeunna. Opat patingjelepeng. Haténa sabil. Gep nyokot pangsisina. Keureut beungeut nu matak geugeut ngolébat. Pamajikan ka opat, nu anyar dirumat.
Dalah dikumaha. Ayeuna waktuna séba. Masrahkeun caos. Masrahkeun nu pang dipicintana. Kitu kuduna. Lep, bonéka dilelepkeun kana cai kembang na buyung. Bareng jeung jeritna nu geulis ninggalkeun kurungan.

Bray, panto kamar peteng muka. Haji Hadma kaluar. Késang renung na tarangna. Gék diuk na korsi dipatengahan. Ngalamun. Ngabayangkeun pakaya nu bakal nambahan.

Hiuuuk! Angin ngagelebug. Paralak-paralak sada keusik diawurkeun ka suhunan.
Ngong, aya sora tan katingalan.
“Hadmaaa…! Caos téh ditolaaak! Bongan silikon wungkul. Malem Juma’ah hareup kudu séba deui! Baé sapi limosine ogé!” Les sora ilang. Ngarikeun Haji Hadma nu ngahuleng. Mikiran pamajikan ngorana.

Iklan

tulis

Please log in using one of these methods to post your comment:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s