Diserat ku Achiel Syam

Dina Lapak
Fiksimini Basa Sunda

Facebook photo

Fikmin # Karma Sang Don Juan #

Rungsing sapeupeuting, marungkawut. Gulang-guling, keuheul. Aya kalangkang langlang-lingling jero pikir. Cilingcingcat. Umat-imut, aluman-alimen kacentilan. Képangan rambutna tinggulawing ngénca ngatuhu. Rok polkadot ngembang dibébér-bébérkeun. Nyingkab, ngacas, mulus. Serrr! Miceun beungeut, ngajangilek, manco deui. Malikkeun awak, ngajangélék, goréng sopak. Teu bisa ngejat, manéhna ka manéhna. Meureumkeun panon, mangréwu jirimna. Tingpucunghul, bungkeuleukan. Ngabandaleut. Beuki deukeut, beuki rapet. Umat-imut deui, aluman-alimen deui. Beuki carentil.
“Akaaang…!” Ngadarengék cempréng.
Pakupis nyieuhkeun réwuan leungeun nu nyarawélan . Sakuat tanaga. “Haliiig! Nyingkaaah!”
Kalangkang-kalangkang beuki buringas. Cawélan robah jadi korowotan. Ditangkisan, raca. Ngarewég kulit, ngarewég daging, baloboran. Cur-cor sakujur awak. Peurih, nyeri. Leuleus, ngarumpuyuk. Ngudupruk. Ditampanan taneuh, beulah. Neureuy awak, tanpa daya tanpa sora. Rapet deui, Reup, panon poé pareum. Poék mongkléng.
Cahya bodas patingkolébat, sérab. “Tong wani-wani ngaheureuykeun Awéwé!” Handaruan. Lus-les! Kakeueung sapatemon jeung burih.

Iklan

tulis

Please log in using one of these methods to post your comment:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s