Diserat ku Aan Abdulloh

Dina Lapak
Fiksimini Basa Sunda

Facebook photo

Fikmin # Rusdi jeung Misnem #

Rusdi tatanggahan. Katempo buah jambu médé meuni meuhpeuy. Pentil, gumading, sawaréh arasak. Matak uruy anu nempo.
“Nyi, hayang teu?” Rusdi nuduhkeun ka luhur.
“Nya hayang, Kang. Ngan ulah. Éta mah nu Haji Udung. Galak.” Misnem pupuringisan. Ras kumaha galakna Haji Udung.
“Nya maké ieu atuh, Nyi!” Rusdi nunjuk tarang.

Isukna Rusdi jeung Misnem arulin. Ngahaja ngajak Cép Dadan, incu Haji Udung. Ulin eundeuk-eundeukan. Luhur tangkal waru doyong, sisi lembur.

Keur anteng ulin, ngadadak Rusdi ragrag. Kekejetan. Sungutna ngabudah. Kasurupan.
“Kang…! Kang…!” Misnem ngaguguyah bari rawah-riwih.
“Kula lain Rusdi, kula Suadma. Karuhunna Haji Udung!” Sora Rusdi béda.
“Aya naon uyut? Sisinanteneun.” Cép Dadan nalék. Semu sieun.
“Kula hayang jambu médé. Nu arasak. Loba!”

Cép Dadan ngoléséd. Teu sawatara lila geus datang. Mawa jambu médé satengah karinjang.
Rusdi ngarontok médé. Dihénggoy.

Iklan

tulis

Please log in using one of these methods to post your comment:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s