Diserat ku Ade Satia

Dina Lapak
Fiksimini Basa Sunda

Facebook photo

Fikmin # MIYUNI #

Buukna panjang ngagebay. beungeut ngadaun seureuh, panon cureuleuk, irung mancung, tarang téja mentrangan, gado endog sapotong, pakulitan héjo carulang, awakna lempay, jangkung leutik, cangkéng lentik mapanting, leungeun ngagondéwa, ramo-ramona mucuk eurih, ah, pokona mah euweuh cawadeun panon nu teu payaan.
Panggih teu ngahaja, waktu kuring miang ti Bandung ka Jakarta maké Karéta Api, diuk ngaréndéng, sugan téh moal manjang, horéng lalakon tepi kana pasini, pikir pakait, nyantél teu bisa dipapalérkeun. Unggal waktu teu elat, mun teu panggih, nelepon tepi ka panas ceuli. Ah… “tiada hari tanpa kemesraan” ceuk barudak kiwari mah.
Mangsa tepung malem Minggu, nyalsé. Sosonoan béak ti karep, silih oconan siga manuk keur silih paraban, leungeun pabeulit, palid kaditu-kadieu, sagala disasar, sagala dirampa. Sok sanajan bari rada dipégég, sieun kalalanjoanan. Nyasar beuki jero, gebeg, aya nu ngagicel karanggeum. Gentak ngejat, Pukah tangkeupan, haté hareugeueun, merong pinuh panalék, manéhna tungkul, teu wasa nandang pananya.

Iklan

tulis

Please log in using one of these methods to post your comment:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s