Diserat ku Achiel Syam

Dina Lapak
Fiksimini Basa Sunda

Facebook photo

Fikmin # Obrolan Pélog #

Wanci sareureuh kolot. Peuting ngamimitian jempling. Di tepas dua cakcak begér, récét silih udag. Anéhna aya nu misleuk, papatong jarum kukurilingan deukeut lampu bohlam. Teuing naon nu ditempona. Nu lainna, aya nu tinggerendeng paheuras-heuras urat beuheung. “Uing nu pangheulana, pangpentingna, dasar ti Maranéh.” “Heueuh ku kitu téa mah! Tapi moal ngeunah didéngé mun euweuh Uing!” Mi némbal embung éléh. “Yéééy, kami tiluan gé sarua pentingna atuh! Mun manéh duaan hungkul, rék jadi naon? Dolog?” Ti jeung La rampak nimpal. “Meugeus ah, gandéng! Da dunungan urang gé, moal pati-pati nyiptakeun kalimana mun teu sarua pentingna.” Na nengahan batur-baturna.

Ucing ngajleng néwak cakcak. Nyamos. Vas kembang tijuralit tina méja. Rag-rag ninggang bal kasti, nenggel, ngagorolong nebak sapu ijuk juru rohang. Gagangna ngabadug kacapi. Gembréng! Jep, jarempé. Mang Caca kaluar ti kamarna. Rungah-ringeuh luak-lieuk.”Kasebelan! Sugan téh, kalakuan saha nya?”

Iklan

tulis

Please log in using one of these methods to post your comment:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s