Diserat ku Aan Abdulloh

Dina Lapak
Fiksimini Basa Sunda

Facebook photo

Fikmin # Aya Bagja Di Nagara Jajahan #

Mulan-malén saprak putusan raja dilaksanakeun. Témbong aya hasilna. Rahayat arang lunta. Sandang pangan dicukup ku nagara. Disubsidi. Nu Aids cageur. Nu ceceremed geus teu deui. Nagara tengtrem. Rahayat mindarupa bararodas.

Haruhah-haréhoh. Satnag ngadeuheus raja.
“Unjukan, Pangersa. Geunjleung di nagri koloni. Saprak bangsa urang arang lunta. Rahayat miskinna nambahan. Tempat kasabna tutup. Produkna teu payu.”
“Tuluy naon urusanna jeung kuring, Tri?” Raja kerung.
“Pangersa, sanaos disanés-sanés ogé éta téh nagara jajahan. Nagri koloni bangsa urang. Karerepet sareng kasusahna tinangtos tanggel waler salira.”
Raja ngaraga meneng. Diuk sinuku tunggal.
“Aya benerna, Tri. Iberkeun ka rahayat. Isukan pakansi ka nagara jajahan. Paraké masker. Kabéh kudu tarumpak kandaraan. Tong badarat!”
Béwara diiberkeun na tivi nasional.

Isukna rahayat ngumpul. Alun-alun pinuh. Satnag cuh-cih ngabagi masker jeung kandaraan. Réngsé. Kandaraan diharirupan. Ngaguruh. Sahéng. Biur arindit. Ngieng…ngiengngng…

Nagara jajahan nu kamari tingtrim, digiridig.
“Duh, loba-loba teuing reungit nya? Padahal geus mulan malén tara aya. Barodas ayeuna mah reungit téh. Tarik deuih sorana. Nyoco mah hanteu. Kaluman wéh.” Mang Jum’an kutuk gendeng. Bari pakupis nepakan.
“Heueuh nya? Ka warung geura meuli obat nyamuk!” Suhdi mairan.

Obat nyamuk payu. Pabrikna produksi deui. Karyawan nambahan. Nu nganggur ngurangan. Nagara jajahan bisa ambekan.

Iklan

tulis

Please log in using one of these methods to post your comment:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s