Diserat ku Ade Satia

Dina Lapak
Fiksimini Basa Sunda

Facebook photo

Fikmin # TUMAN #

Geus euweuh nu bireuk deui ka ngaran Kang Anda mah. Awak seseg atlétis, pakulitan bodas semu bulé, rupa teu nguyang ka batur. Kamana-mana teu weléh maké motor sport kameueutna. Ceuk paribasa kolot téa mah, meureun nu kitu nu disebut hadé gogog, hadé tagog téh.
Ari pangaresep, sok jajan lalab rumbah di tempat-tempat paragi ulinna lalaki-lalaki irung belang. Ngan alusna, tara daék gunasika ka wanoja-wanoja nu bener mah, pajarkeun téh cenah éra.
Panggih jeung Néng Mimin, wanoja geulis rancunit, putrana Kuwu Udin. Raray ngadaun seureuh, pangambung bangir, soca cureuleuk, kembang désa nu jadi udagan para jajaka. Pon kitu deui Kang Anda jadi kapincut haténa, hayang ngapimilik.
Sagala cara dipaké, jurus-jurus buaya daratna diketrukeun. Batu turun keusik naék, Jang Anda kabiruyungan ka Balé Nyungcung.
Mangsa maleman pangantén, Jang Anda jeung Nyi Mimin saruka bungah, nyacapkeun kasono. Rérés, teu sadar Jang Anda muka dompétna. Wur, lambaran duit disawérkeun kana awak Nyi Mimin.

Iklan

tulis

Please log in using one of these methods to post your comment:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s