Diserat ku Achiel Syam

Dina Lapak
Fiksimini Basa Sunda

Facebook photo

Fikmin # Tamu President Suite 707 #

Grand Papilon, President Suite 707. Di langit métropolitan Singapur, peuting nyangsaya tinggal tungtungna. Disimbutan kakeueung. Honcéwang. Unforgettable-Nat King Cole ngagalindeng mépéndé. Dua taun ngeukeup karudet salaput hulu. Diteuleuman teu kapanggih dasarna. Rék hanjat ngejat, taya pamuntangan. Péstol tinggal ngokang, ditimang-timang. Diteueulkeun na puhu ceuli, tiis ketir. Mangmang, jejeléh haté teu iklas.
Kek, beuheung Cognac dicekék, notor. Nyegak, diburakeun. Dibalangkeun, paburantak. Eunteung dingding minibar ngaléléwé. “Telih hayam! Ngérakeun siah!”
Leng…! Téténjoan muter ngabalingbing. Koléga jeung jabatan paréndéng-réndéng, tutunjuk. Anak jeung Pamajikan di kénca katuhu nareuteup ijid. Di luhur, borgol dosa ngaburisat, sérab. Ngahuyung, humaregung. Tipepereket nyekel pager balkon. Angin ngagelebug, nampilingan beungeut. Eungap. Dunya ceuceub, angkeub. Haleuang Nat King Cole hawar-hawar. Rarasaan awak ngalayang. Ngoléang meulah petengna peuting.

Mangsa nincak rumangsang di Cicurug. Ménténg. Puluhan papan karangan bunga jeung mobil méwah ngajéjér. “Keuna HIV? Nggak nyangka ya Jeng!” “Ssst…!” Ngagebés baturna bari memener karémbongna.

Iklan

tulis

Please log in using one of these methods to post your comment:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s