Diserat ku Ade Satia

Dina Lapak
Fiksimini Basa Sunda

Facebook photo

Fikmin # PUGAG #

Ngarandeg lebah péngkolan, ngadon reureuh dina iuh-iuh tanjung. Tangkal nu baheula ditancebkeun pinuh kaasih. Dicéboran ku kahéman nu ngebat manjang antara rénghap duaan.
Panon beueus neuteup ka jauhna, ka tempat baheula nyangsangkeun subaya, nu cenah moal laas kapentrang giwangkara, nu cenah moal luntur kacébor ciibun.
Lalaunan tanggah, ningali méga bodas nu tingsurungkuy, dipapag heulang nu patingkalayang, sorana ngagelik nurihan ati.
Rerep késang, léngkah nuluykeun lampah, asa manjangan, marengan harepan nu lawas kasidem dina jero dada. Dua tanjakan deui kasono bakal amprok.
Di tiap jalan nu kasorang, ngalangkang pameunteu Eulis, pameunteu nu moal leungit tina implengan.
Satanjakan deui, rénghap beuki kerep, kacapé awor jeung rasa kasono nu ajol-ajolan.
Dina mumunggang, aya imah nu teu robah, haté beuki tagiwur. Srog ka buruan, raresik matak tumaninah. Karérét di juru beulah kidul aya gundukan taneuh nu masih beureum. Kabaca dina tetengger ngaran Eulis…
Gusti… Suku rampohpoy teu wasa nandang rasa, nyuuh dina bangbarung.

Iklan

tulis

Please log in using one of these methods to post your comment:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s