Diserat ku Ade Satia

Dina Lapak
Fiksimini Basa Sunda

Facebook photo

Fikmin # TUNGTUNG SIMPÉ #

“Sono…,” ceuk Kang Nana, waktu Nyi Asih ngainbok, “rasa téh teu bisa dibangbalérkeun.” Pokna deui pinuh ku pangharepan anu ngaguruh dina dadana. Panon molotot kana monitor, sugan aya jawaban ti peuntaseun.
“Sami atuh, Kang.” Nyi Asih némbalan, bangun anu meré pangharepan. “Nanging abdi mah teu wasa ngumbarna.” Alum, kagambar dina ungkarana, “rumaos diri tos raca ku subaya, katideresa ku rasa anu mokaha. Kantun tamahana.” Humandeuar, nyarandé kana tihang katineung, anu kakeueum ku cipanon kanalangsa.
Leng, pikiran Kang Nana kumalayang, euntreup kana béntang anu kucap-kiceup, jarauh panineungan. Koléang deui, euntreup kana bulan anu konéas, leungiteun dangiang. Geleber kabawa angin, euntreup dina wahangan anu ngamalir dina sela-sela rénghap. Eungap.
“Lis, cuang tutup lambaran lalakon nu bihari. Guareun jaga dimana meunang pakéwuh, sangkan janten eunteung dina léngkah kiwari.” Kang Nana negerkeun haté, nambahan cahaya bulan, sumirat, nyingraykeun peteng.
“Kang…!” Nyi Asih luncat tina monitor, nyangsaya minuhan dada Kang Nana ku katresna.

Iklan

tulis

Please log in using one of these methods to post your comment:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s