Diserat ku Abah Anom

Dina Lapak
Fiksimini Basa Sunda

Facebook photo

Fikmin # NGAWAWANCARA NU MERDÉKA #

Saenggeus ngawawancara dununganana, Mang Kémod bati sarangah-séréngéh. Bier indit ninggalkeun kantorna. “Geuning kitu jawaban nu merdéka téh!” gerentesna. Anjog ka tempat parkir. Umbul-umbul nu warna-warni tingkélébét. “Mang, rék lunta ka mana? Cik ududna!” Dudu, Si Tukang parkir ménta japrém. “Kabeneran euy! Uing rék nanya, jujur nya? engké dibéré udud sabungkus!” “Nanya naon kitu?” “Ayeuna geus merdéka acan?” “Enggeus Éndonésa mah, mun uing acan! Hayang ngaroko ogé, apan dibéré ku Mamang!” “Heuheu nuhun euy! yeuh sabatang! Song Mang Kémod mikeun rokona.

Maleman juhbelas Agustus. Mang Kémod, sup asup ka hiji diskotik. Gék diuk dina korsi hareupeun méja Barténder. Lampu disko reup-bray, mawa kapanasaran haténa. Ras inget kana tugas kawartawananna nu ampir bérés. Aya samingguna, manéhna hasil ngawawancara Présidén, di Istana nagara. Gupérnur di tempat gawéna. Pangusaha di tempat usahana. Koruptor di tempat pangbérokanana. Patani di sawahna. Malahan kungsi ngawawancara PééSKa sagala di gang Dolly. Jawabanana sarua, kabéh ngaku can merdéka. “Cik ménta wisky! Uing hayang merdéka!” ceuk saurang awéwé, nu diuk gédéngeun Mang Kémod.

Iklan

tulis

Please log in using one of these methods to post your comment:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s