Diserat ku Aan Abdulloh

Dina Lapak
Fiksimini Basa Sunda

Facebook photo

Fikmin # Rijki #

Uyup-ayap. Gentong wadah béas dirampaan. Kosong.
“Béak kituh béas téh?”
Gentong diketrukeun. Pérélék. Ukur sacanggeum. Moal mahi mun dikarih.

Gur, mirun seuneu. Katél sumpung ceulina ditagogkeun. Cur, cai. Brus, béas. Cai dilobaan. Ngabubur.

Ngadagoan bubur asak, ngoér sasapu di buruan. Ngabangbalérkeun peujit nu murilit. Ngabébénjokeun cacing nu darémo. Rentang-rentang Juha datang. Ngalénghoy.

Gék, diuk di na
golodog. Ngageberan awak ku dudukuy butut. Song, Icih ngasongkeun cai. Regot, cai sabekong ledis.
“Teu beubeunangan usaha téh, Nyi. Hélerna tutup. Gan Haji ka nu hajat di Cipeundeuy.”
“Can nincak kana rijkina meureun, Kang. Sing sabar wé. Dahar poé ieu mah aya. Nyai ngabubur. Tadi aya béas sésa. Sacanggeum.”
Léos Icih ka dapur. Ngajait bubur.

Duaan nyanghareupan bubur. Na piring séng. Héncér. Dihanca. Ukur sakotéap. Ledis.
Trok…trok. Kojéngkang, Juha muru panto. Bray. Témbong Gan Haji na lawang panto. Rébo ku babawaan.
“Ha, ieu cangkédong pamahanan ti nu hajat. Pék, keur manéh. Kuring mah geus dahar di nu hajat.”
Juha marahmay.
“Isukan gawé nya, Ha. Ieu pamanjerna.” Gan Haji ngasongkeun duit.
“Nu…nuhun, Gan Haji.” Juha rengkuh nampanan.

Iklan

tulis

Please log in using one of these methods to post your comment:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s