Diserat ku Ade Satia

Dina Lapak
Fiksimini Basa Sunda

Facebook photo

Fikmin # NU NGAJIRET RASA #

Haté Mimin karasa marudah, geus sababaraha poé teu ningali sajak-sajak dina monitor komputerna. Sajak-sajak anu ngahudangkeun deui rasa katresna, nu baheula kungsi nyangkaruk dina leuwi kahirupanana. Unggal poé, monitor diteuteup, mousena digasar-gésér, nénéangan, sugan aya, weléh teu nyampak.

Panon beueus, batin ceurik ngabangingik, melas-melis sumambat. Tuktek-tuktek ramo-ramona mencétan aksara nu aya dina keyboard, nyusun ungkara ngawujud hiji sajak katresna. Klik di posting dina lapak nu geus maneuh, paranti nyangreudkeun rasa.

Ditungguan pinuh ku pangharepan, sababaraha wanci kaliwat. Cipanon beuki juuh. Kasono beuki nyoso. Harepan lalaunan peuray, kasaput ku ibun nu minuhan kongkolak panon.

Bray aya notifikasi, ungkara sajakna aya nu misuka, gentak dibuka, biwir ngarenyu, panon cahayaan deui, ibun mimiti sirna, tuus dina tungtung lamunan.

Tuk-tek deui nulis dina pairan, “Sajak-sajak salira, bakal natrat moal tiasa kahapus sapapanjangna, bakal napak dina lengkah-lengkah katresna.”
Katingali pairan handapeuna aya gambar panon nu keur ngiceupan.
Giwangkara sumirat nyaangan katresna Mimin.

Iklan

tulis

Please log in using one of these methods to post your comment:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s