Diserat ku Neneng Yatikurniati

Dina Lapak
Fiksimini Basa Sunda

Facebook photo

Fikmin # Telenovéla of Kelenci Budug #

Gara-gara kalakuan A Idon Sebastyn, nu gedé rahul jeung pinter ngolo awéwé, mun ceuk basa kerénna mah flamboyant, sababaraha awéwé jaradi mumusuhan. Aya anu katalimbeng sono nyoso bogoh. Aya nu silicarékan, teu nyaho wayah. Aya nu silihsindir. Aya ogé nu milu lieur, padahal teu mais teu meuleum. Dina acara kumpul-kumpul, pasti aya kajadian dor-dar paraséa. Ceu Icih Isaura, anakna Abah Omod Rudholfo, maséaan Néng Aas Kasandra, anakna Ma Inah Rayna . Nyi Iis Isabélla, incuna Nini Ojoh Johana, diontrog ku Téh Iti Letisia, alona Mang Jainal Ronaldo. Wa Ai Angelica, popotongan Wa Ubun Rubbén, embung katinggaleun marebutkeun trésnana A Idon Sebastyn, nepi ka ngajorag Bi Ocah Josalyn.
“Ari ayeuna, asa tara ningali cucungirna si Idon Sebastyn. Ka mana?” Uyut Ari Rosemary nanya ka Ceu Icih Isaura, nu teu eureun-eureun gegelendeng.
“Kabur. Mawa haté jeung duit aing.” Ngadagor-dagorkeun sirahna kana témbok, nepi ka bencar. Tina sirahna, kaluar écéng mancawura ka mamana.

Iklan

tulis

Please log in using one of these methods to post your comment:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s