Diserat ku Ade Satia

Dina Lapak
Fiksimini Basa Sunda

Facebook photo

Fikmin # LIWUNG GANDRUNG #

“Wengi tadi salira imut ka saha. Teuteup asih nyérédét mudunkeun lenyap. Wengi tadi salira imut ka saha.
Linduh soca mariis peutingan manis…” Ngagalindeng suanten Mamih Uun Muliawati, halimpu, maréndé haté nu kalimpudan ku simpé.
Asa inget ka Eulis, nu kiwari keur nyuprih pangarti di nagri deungeun. Tacan lila Karék genep bulan, tapi rarasaan téh asa geus mangtaun-taun. “Eulis, asa ngalangkang ringkang salira, siang wengi Kang emut ka salira.” kasono ukur disidem dina jero haté.
Teuteupna nu anteb pinuh kageugeut, mo bisa dibangbalérkeun, najan tujuh putri nu turun ti kahyangan ngajéngjréng di hareupeun.
Aya talaga kagambar dina soca nu canémbrang hérang, matak betah lalayaran sakalian bari kokojayan, nyeuseup peueut kadeudeuh nu geus maneuh.
Éta imutna, nu matak ting jaredud kana jajantung, matak ngelepek lalaki épés méér. Teu bisa leungit tina ingetan. “Lis, imut salira poma ulah dikasasahakeun. Éta deuih teuteup geugeut nu geus maneuh, omat cangkreud pageuh.” Haté ngocoblak meupeus simpé.

Iklan

tulis

Please log in using one of these methods to post your comment:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s