Diserat ku Abah Anom

Dina Lapak
Fiksimini Basa Sunda

Facebook photo

Fikmin # NYAWANG MANGSA KA TUKANG #

Bada Magrib. Lima Satpol PP. Jrut tarurun tina mobilna. Ningali nu datang, hareupeun beungeutna. Beretek manéhna lumpat, nyalametkeun diri. Roda kameumeutna, geus moal bisa disalametkeun. “Ka dieu kéhéd! Montong lumpat siah!” Gorowok nu saurang bari ngudag nu tipaparétot. Anjog ka toko lanceukna. “Bébérés Kang! Énggal tutup heula…!” Manéhna hah héh hoh ngabéjaan. “Aya naon deui, bet jiga nu diudag anjing?” Soléh kalem. “Tuh, Satpol PP daratang deui. Abdi badé ngiring nyumput.” pokna. Teu loba catur, gedig Soléh ka luar, ti jero tokona.

“Mang, neuleu nu lumpat teu?” Nu tadi ngudag nanya bari ngahégak.
“Henteu!”
“Los ka mana nya, mangkeluk téh?”
“Teu apal!”
“Aingah mentegeg, hayang néwak!”
“Cing karunya atuh, ulah sok harak!”
“Lin kitu, ieu tugas aing, pikeun nertibkeunana!”

Geleyeng mobil Satpol PP maju, ka hareupeun Soléh. Ningali roda adina, aya di luhureun mobil. “Cing sabar jalu! Baheula gé, Akang ngalaman kieu.” gerentesna. Cimatana murubut.

Iklan

tulis

Please log in using one of these methods to post your comment:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s