Diserat ku Achiel Syam

Dina Lapak
Fiksimini Basa Sunda

Facebook photo

Fikmin # Pahlawan Juhwelasan? #

“Kepada Bendéra Mérah Putih…Hormaaat grak!” Peserta upacara juhwelasan rampak ngahalormat. Lagu Indonesia Raya mirigan, ngeusi langit SMP Gemilang. Ngageter, husu.

Teu kuat nahan ateul, suku Amir kokosod. Sapatu bututna baseuh balas cileuncang. Sakali dua kali. Awakna oyag-oyagan. Batur-baturna tingcikikik. Guru BP muncereng ti jauhna. Rérés upacara Amir dipegat. “Titadi heureuy baé! Nyaho henteu makna upacara? Pahlawan téh nukeur jiwa ragana pikeun tegakna bandéra!” “Sanés heureuy Pa, mung…” “Tong némbal! Geus puguh salah! Hayoh geuwat, beresihan WC Guru! Teugeug.

Wanci nincak rumangsang, hujan ngagebrét deui. Barudak pabaliut ngiuhan, sagala aktifitas bubar. “Semua pertandingan diteruskan setelah hujan reda!” Béwara panitia juhwelasan. Sora gelap mapag ku jelegérna. Bérés meresihan wésé, Amir ngaberengbeng meulah hujan muru rohang BP, ngaliwatan parkiran sada nu humarurung. “Bapa!” Sakuat tanaga ngangkat dahan Jarak. Késang, cihujan jeung getih pacampur. Jibrug.

Poé senénna, upacara deui. Para jawara lomba diumumkeun. Hadiah-hadiah dibagikeun. Guru BP nyodorkeun piagam jeung sapatu. Amir imut bagja.

Iklan

tulis

Please log in using one of these methods to post your comment:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s