Diserat ku Aan Abdulloh

Dina Lapak
Fiksimini Basa Sunda

Facebook photo

Fikmin # Jeep Willys #

Kadéngé sora hayam kongkorongok. Sakali. Wanci ngagayuh ka janari. Genep lalaki ngora luut-léét késang. Ngageduk macul, nyieun lombang ukuran tilu ka dua méter. Méh satangtung. .

Wanci carangcang tihang lombang réngsé. Gancang ditutupan ku giribig. Dirurub samping kebat. Disaeur taneuh. Teu kaciri.

Réngsé, nu genep urang patinglaléos. Mubus kana rembetna kakayon sisi jalan.

“Oo…o…ooo…” Kadéngé siga sora hayam. Kodeu. Nu genepan taki-taki. Leungeun pageuh nyarekel awi nu diseukeutan. Paneuteupna mencrong ka jalan.

Teu lila. Geruuung. Kareungeu sora mobil nu netek na tanjakan. Jeep Willys. Ronghéap, katingali nu tumpakna duaan. Papakéan loréng. Simaan. Jajantung nu keur nyérangkeun ratug tutunggulan.

Jeep Willys nyemprung nyorang jalan satapak. Gebrus. Nyungseb kana lombang. Panumpangna tingkaroséh. Gajleng. Genepan laluncat muru nu keur kokoséhan. Bresss…, seuseukeut awi niruk dada maranéhna. Leungeunna ukur kaduga ngokang Bren. Malakalmaot kaburu nyabut nyawana.

Iklan

tulis

Please log in using one of these methods to post your comment:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s